कोलकाताः शिक्षक नियुक्ति भ्रष्टाचार मामिलामा जेलमा बन्द राज्यका पूर्व शिक्षा मन्त्री पार्थ चट्टोपाध्यायका करीबी तृणमूल पार्षद बप्पादित्य दासगुप्ताको घऱमा सीबीआईले छापा मारेको छ। जाँच एजेन्सीका सूत्रहरू अनुसार, राज्यमा भर्ती भ्रष्टाचार मामिलाको जाँच अन्तर्गत पार्षदको घऱमा तलाशी चलिरहेछ।

बिहिवार बिहान लगभग ९.३० बजी सीबीआईका धेरै अधिकारी बप्पादित्यको घर पुगे औं दैलो ढकढकाए। धेरै मिनटसम्म कुर्रेपछि बप्पादित्य स्वयंले दैलो खोले। सीबीआई अधिकारीहरूले आफ्नो परिचय दिए औं घरभित्र पसे। सीबीआई अधिकारीहरूको साथ केन्द्रिय अर्धसैनिक बलहरूका जवानहरू पनि थिए। बप्पादित्य कोलकाता नगर निगमको वार्ड नम्बर १०१ का पार्षद हुन्। उनलाई पार्थको करीबी पार्षदको रूपमा चिनिन्छ।

पार्थ अहिले भर्ती भ्रष्टाचार मामिलामा प्रेसीडेन्सी जेलमा बन्द छन्। निम्न अदालतले उनी विरूद्ध ईडी र सीबीआईद्वारा दर्ता आरोपहरूमा पनि सुनवाई गरिरहेछ। बप्पादित्यको तर्फबाट दिइएको लिस्ट अनुसार धेरैको अवैध तरीकाले शिक्षकको रूपमा नियुक्ति भएको आरोप छ। यही क्रममा तलाशी अभियान चलाइएको हो।

-हिस