इटानगरः एनएससीएन (के-वाईए) का सशस्त्र उग्रवादीहरूद्वारा लोङडिङ जिल्लाबाट अपहरण गरिएका दुई कर्मचारीलाई मुक्त गरिएको छ। अरूणाचल पुलिस अऩुसार, अरूणाचल प्रदेशको लोङडिङ जिल्लामा तीसा नदी नजिक एक अस्थायी श्रमिक शिविरबाट कुन्सा पोङचाउ मार्गमा उग्रवादी समूह एनएससीएन (के-वाईए) का सशश्त्र क्याडरहरूद्वारा यिनीहरूलाई १६ नोभेम्बरमा अहरण गरिएको थियो।

अपहरण गरिएका दुवै कर्मचारीलाई अन्ततः मुक्त गरियो।

दुवै अपहृत व्यक्तिहरूको पहिचान शशांक कुमार यादव (जूनियर इन्जीनियर) र लियामगाओ पानसा (सुपरवाइजर) को रूपमा गरिएको छ, जसलाई १६ नोभेम्बरमा आतङ्कवादी समूहका तीन सशस्त्र क्याडरहरूले अपहऱण गरेका थिए।

प्रारम्भिक रिपोर्टहरू अनुसार, दुवैको अस्थायी शिविरबाट अपहरण गरिएको थियो र बोलेरो पिकअपमा कुन्नो जीरो पोइन्टमा लगिएको थियो। यिनीहरूलाई कुन्नोमा वाहनबाट तल झारेर सशस्त्र क्याडरले कथित रूपमा भारत-म्यान्मार सीमातिर लिएर बढ़े। पूरा अपहरणलाई कथित रूपमा एनएससीएन के-वाईए गुटको स्वयम्भू एसएस लेफ्टिनेन्ट कर्नल बोटाई वाङसू र एसएस लेफ्टिनेन्ट अबोजक वाङ्गनोले अन्जाम दिएका थिए।

-हिस