कोचबिहार: जगद्धात्री पूजा विसर्जनलाई लिएर दुई गाउँमा दुई समूहबीच भएको हिंसात्मक झडपमा एकजनाको मृत्यु भएको छ भने चार जना घाइते भएका छन्। घटना तुफानगञ्ज–२ ब्लकको बारकोदली–१ ग्राम पञ्चायत क्षेत्रमा भएको हो। घटनाको जानकारी पाएलगत्तै बक्सिरहाट थानाको पुलिस घटनास्थलमा पुगेर घाइतेहरूलाई तुफानगञ्ज विभागीय अस्पतालमा भर्ना गरिएको थियो। अनूप डकुवा (३५) लाई ड्युटीमा रहेका चिकित्सकले मृत घोषणा गरेका थिए। पुलिसले घटनामा शंकाको आधारमा दुई जनालाई पक्राउ गरेको छ।

मृतक अनुप डाकुवाका हजुरबुवा असित डकुवाले हिजो राति अनुप पूजा गरेर घर फर्किंदै गर्दा केही व्यक्तिले आक्रमण गरेको बताए। आक्रमणमा उनका भाइ गम्भीर घाइते भएका छन्। उनलाई तुफानगञ्ज डिभिजनल अस्पताल लगिएकोमा चिकित्सकले मृत घोषणा गरेका थिए। यो घटनामा संलग्नलाई कडा भन्दा कडा कारबाही होस् भन्ने हाम्रो माग छ।