जलपाइगढी: धुपगढीको दक्षिण गोसाइर हाटको बालाकुरा पार क्षेत्रमा एकै रातमा ७ गाई र उनका बाछो चोरी भएका छन्। धुपगढी पुलिसले यस विषयमा अनुसन्धान गरिरहेको छ। गाईको दुध बेचेर गुजारा चलाउने जगदीश राय बसन्त रायको गाईसहितको बाछो चोरी भएपछि समस्यामा परेका छन्। साकवाझोराको दक्षिणी गोसाई हाटको बालाकुरा क्रसिङ क्षेत्रबाट गाई चोरी भएको हो। चोरी भएको गाईका मालिकले धुपगढी पुलिस थानामा लिखित उजुरी दिएका छन्। यस क्षेत्रका बासिन्दाले सरकारसँग गुनासो गर्दै सरकारले कुनै पनि सवारी साधन विशेषगरी पिकअपमा गाई ओसारपसार गर्न तत्काल बन्द गर्नुपर्ने बताए। गाई चोरीका अधिकांश घटना पिकअपमा हुने गरेको उनले बताए। गाई चोरीको सूचना पाएपछि धुपगढी पुलिस घटनास्थल पुगेको थियो। पुलिस स्रोतका अनुसार गाई चोरी घटनाको अनुसन्धान सुरु भएको छ।