भारतीय क्रिकेट टोलीका ओपनर ब्याट्सम्यान इशान किशनले अस्ट्रेलिया विरुद्धको ५ खेलको टी–२० सिरिजको पहिलो खेलमा उत्कृष्ट इनिङ खेल्दै ३९ बलमा ५ छक्का र २ चौकाको मद्दतले ५८ रन बनाए । टी २० अन्तर्राष्ट्रिय क्रिकेटमा कङ्गारु टोली विरुद्धको यो उनको पहिलो अर्धशतक थियो भने समग्रमा यो उनको ५औं अर्धशतक थियो। उनको इनिङ्स र सूर्यकुमार यादवसँगको ११२ रनको शतकीय साझेदारीले टीम इन्डियाको जितमा धेरै मद्दत गर्‍यो। यो इनिङ्सपछि इशान किशनले विश्वकपका क्रममा आफूले यस्तो गरेको बताए जसका कारण उनले यस्तो इनिङ खेल्न पाए ।

विश्वकपमा कडा अभ्यास गरे
इशान किशनले पहिलो टी–२० खेलमा कंगारु टोलीमाथिको जितपछि भनेका थिए, ‘जब म एकदिवसीय विश्वकपमा खेलिरहेको थिइनँ, हरेक अभ्यास सत्रअघि म आफैलाई सोध्ने गर्थेँ कि मेरो लागि के महत्वपूर्ण छ र म के गर्न सक्छु । मैले नेटमा धेरै अभ्यास गरेँ र टोलीका प्रशिक्षकसँग लगातार मेरो खेलको बारेमा कुरा गर्दै थिएँ र उहाँलाई मेरो खेललाई कसरी गहिराइमा लैजान सकिन्छ र कतिपय बलरहरूलाई कसरी लक्षित गर्ने भनेर सोधिरहेको थिएँ।
कंगारु टोलीविरुद्धको पहिलो खेलमा हामीले दुई विकेट चाँडै गुमाएका थियौं र जितका लागि यो साझेदारी निकै महत्त्वपूर्ण थियो। म पनि आईपीएलमा सूर्यभाइसँग एउटै टोलीमा खेलेको थिएँ, त्यसैले मलाई थाहा थियो कि उनी कसरी खेल्छन् र कस्ता शटहरू प्रहार गर्न सक्छन्। मलाई लाग्छ कि हामीले हाम्रो साझेदारीको क्रममा गरेका कुराकानीहरू धेरै महत्त्वपूर्ण थिए। कुन बलरलाई टार्गेट गर्ने र कसरी स्ट्राइक रोटेट गर्ने भन्ने विषयमा हामी एक अर्कासँग कुरा गरिरहेका थियौं। यस खेलमा सूर्यकुमार यादवले पनि ८० रनको महत्वपूर्ण इनिङ खेलेका थिए भने अन्तिम खेलमा रिंकु सिंहले अविजित २२ रन बनाएर भारतलाई २ विकेटले जित दिलाएका थिए ।