नयाँ दिल्ली : बलिउड इन्डस्ट्रीबाट फेरि एक दुखद खबर बाहिर आएको छ । वास्तवमा प्रसिद्ध हिन्दी सिनेमा निर्देशक राजकुमार कोहलीको ९३ वर्षको उमेरमा निधन भएको छ । जानकारी अनुसार उनको हृदयघातका कारण मृत्यु भएको हो । राजकुमार कोहलीको शुक्रबार बिहान ८ बजे मुम्बईमा हृदयघातका कारण निधन भएको हो । हिन्दी सिनेमामा, राजकुमार कोहली नागिन, जानी दुश्मन, नौकर बीवी का, बदले की आग, मुकाबला र राज तिलक जस्ता धेरै उत्कृष्ट फिल्महरूका लागि परिचित छन्।
जानकारीका अनुसार राजकुमार कोहली बिहान नुहाउन गएका थिए, केहीबेर नुहाएर बाहिर आएनन् । उनका छोरा अरमान कोहलीले आफ्नो बुबा भुइँमा सुतिरहेको देखेपछि ढोका तोडेका थिए । यसपछि उनलाई अस्पताल पुर्याइएपछि मृत घोषणा गरिएको थियो । यो घटना मुम्बईको जुहु क्षेत्रमा रहेको बंगलामा भएको हो । राजकुमार कोहलीको हृदयघातका कारण निधन भएको पारिवारिक स्रोतले जनाएको छ । राजकुमार कोहलीको आज साँझ अन्तिम संस्कार गरिने छ ।

निर्देशकको रुपमा राजकुमार कोहलीका फिल्महरू

1973 – कहानी हम सब की

1976 – नागिन

1979 – मुक़ाबला, जानी दुश्मन

1982 – बदले की आग

1983 – नौकर बीवी का

1984 – राज तिलक, जीने नहीं दूंगा

1987 – इंसानियत के दुश्मन

1988 – इंतेक़ाम, साज़िश, बीस साल बाद

1990 – पति पत्नी और तवायफ

1992 – विद्रोही

1993 – औलाद के दुश्मन

1997 – कहार

2002 – जानी दुश्मन: एक अनोखी कहानी