कोलकाता: मुख्यमन्त्री ममता ब्यानर्जीले फेरि एकपटक केन्द्र सरकारलाई निशाना बनाएकी छन्। बिहीबार नेताजी इन्डोर स्टेडियममा आयोजित पार्टीको कार्यक्रमबाट बोल्दै, उनले दावी गरिन्, हाल विपक्षी दलका नेताहरूलाई लक्षित गर्ने केन्द्रीय एजेन्सीहरू २०२४ लोकसभा चुनाव पछि भाजपाको पछि लाग्नेछन्। ‘केन्द्रीय सरकार अझै तीन महिना कायम रहनेछ। यो केन्द्र सरकारसँग अझै ३ महिना बाँच्न बाँकी छ’, उनले भनिन्। बंगालको बक्यौता तिर्न प्रधानमन्त्री नरेन्द्र मोदीलाई भेट्न समय खोज्ने, समय नपाए आन्दोलनको बाटोमा जाने मुख्यमन्त्रीले बताइन्। उनले दिल्ली चलोको आह्वान गरिन्। मुख्यमन्त्री ममता ब्यानर्जीले भनिन्, ‘दिसम्बरको दोस्रो वा तेस्रो हप्तामा दिल्ली चलो कार्यक्रम आयोजना गरिनेछ। ३४ वर्षदे मोर्चाको डण्ठा सहेका छौं, उनीहरुको डण्ठा पनि लिऔं, यसले ऊर्जा मात्र दिन्छl’ यससँगै उनले देशको अर्थतन्त्रको अवस्थालाई लिएर केन्द्रमाथि पनि प्रहार गरेकी छन्। उनले ब्यांकिङ क्षेत्रमा निराशाको वातावरण रहेको र सार्वजनिक क्षेत्रका उद्यम (पीएसयू) बिक्री भइरहेको बताए। बेरोजगारी दर पनि उच्च रहेको उनले बताइन्।

मुख्यमन्त्रीले पक्रा परेका पार्टीका नेता र मन्त्रीको पक्ष लिएर भनिन्, ‘पार्थ च्याटर्जी, अनुब्रत मण्डल, माणिक भट्टाचार्य वा ज्योतिप्रिया चोर हुन् भनेर म पत्याउन तयार छुइनँl’ उनले भाजपालाई चेतावनी दिँदै भनिन्, ‘यदि उनीहरूले हाम्रा चार जनालाई पक्राउ गरे भने हामी पुराना फाइलहरू पनि खोल्नेछौं। म उनीहरूका ८ जनालाई पक्रिनेछुl’ मुख्यमन्त्री ममता ब्यानर्जी भनिन्, ‘भाजपा नेतृत्वको सरकार आरक्षण समाप्त गर्न चाहन्छ, तर यसको विरोध गर्नेछौंl’ उनले भनिन्, ‘भाजपा अल्पसंख्यकहरूको लागि पनि आरक्षणको विरुद्धमा छ, तर हामी तिनीहरूलाई ओबीसी कोटा मार्फत यो प्रणाली अन्तर्गत ल्याउँछौं।’ मुख्यमन्त्रीले बंगाल हुँदै बंगलादेशमा गाई तस्करी गरेको आरोपमा भाजपालाई आक्रमण गरिन्। बंगलादेशमा तस्करीका लागि उत्तर प्रदेशलगायत विभिन्न राज्यबाट गाई ल्याइने गरेको उनले बताइन्।