सिलगढी: फाँसीदेवा ब्लकको जयन्तीका चिया बगानको बाँस लाइन क्षेत्रबाट बुधबार एक युवकको झुण्डिएको शव फेला परेको छ। यो घटनाले पूरै क्षेत्रमा सनसनी फैलाएको छ। मृत्यु हुने युवकको नाम सरेन एक्का (३६) हो। उनी पेशाले चिया बगानमा मजदुर थिए। उनी सोही क्षेत्रका बासिन्दा थिए। परिवारका सदस्य नहुँदा घटना भएको हो। बिहान परिवारका सदस्य घर फर्किएपछि घरभित्र युवक झुण्डिएको अवस्थामा फेला परेका थिए।

यो देखेर परिवारका सदस्यले युवकलाई प्राथमिक स्वास्थ्य केन्द्र विधाननगर पुर्याए जहाँ ड्युटीमा रहेका चिकित्सकले मृत घोषणा गरेका थिए । यसबारे जानकारी पाएलगत्तै विधाननगर थानाबाट पुलिस घटनास्थल पुगेको थियो। पुलिसले शव बरामद गरी पोस्टमार्टमका लागि पठाएको छ।