जकार्ता: मंगलवार वेनेजुएलालाई ५-० ले हराएर अर्जेण्टीना इण्डोनेशियामा चलिरहेको अण्डर-१७ फीफा विश्व कपको क्वार्टर फाइनलमा प्रवेश गरेको छ। शुक्रवार क्वार्टर फाइनलमा अर्जेण्टीनाको ब्राजीलसॅंग भिडन्त हुनेछ।

पश्चिम जावा प्रान्तको जलाक हारुपत स्टेडियममा खेलिएको उक्त स्पर्धामा अर्जेण्टीनाको तर्फबाट अगस्टिन फेबियन रूबर्टोले दुई, सेण्टियागो लोपेज र क्लाउडियो एचेवेरीले १-१ गोल गरे। अर्जेण्टीनालाई एक गोलको फाइदा वेनेजुएलाको लुइस फ्रान्सिस्को बाल्बो विएराको आत्मघाती गोलबाट भयो।

सोही दिन १६औं राउण्डको एक अन्य म्याचमा मोरक्कोले पेनल्टी शूटआउटमा ईरानलाई ४-१ ले हराए। पूर्वी जावाको गेलोरा बुंग टोमो स्टेडियममा खेलिएको उक्त स्पर्धामा निर्धारित समयसम्म दुवै टीम १-१ को बराबरीमा रहेको थियो, जसपछि पेनल्टी शूटआउटको सहारा लिइयो।