गान्तोक: राष्ट्रीय प्रेस दिवसको अवसरमा राज्यका राज्यपाल लक्ष्मण प्रसाद आचार्यले राज्यबासी साथै सम्पूर्ण पत्रकारहरूलाई हार्दिक शुभकामना दिएका छन्। हामी स्वतन्त्र र जिम्मेवार प्रेस, लोकतन्त्रको आधारशिला, पारदर्शिता, जवाफदेहिता र अभिव्यक्ति स्वतन्त्रताको प्रवर्द्धन गर्नको निम्ति राष्ट्रीय प्रेस दिवस मनाउने गरेको राज्यपालले आफ्नो शुभकामना सन्देशमा उल्लेख गरेका छन्।

सिक्किमले प्रेस स्वतन्त्रताको कदर गर्दै आइरहेको र नागरिक सशक्तिकरणमा आफ्नो भूमिकालाई मान्यता दिएको बताएका छन्। पत्रकारिताको मापदण्ड कायम राख्ने पत्रकारहरूको प्रशंसा गर्दै, डिजिटल चुनौतीहरूको बीचमा जिम्मेवार रिपोर्टिङ गर्न आग्रह राज्यपालले आग्रह गरेका छन्। प्रबुद्ध समाज निर्माणमा प्रेसको भूमिकालाई स्वीकार गर्दै स्वतन्त्र प्रेसप्रतिको प्रतिबद्धतालाई पुन: पुष्टि गर्नुपर्ने सुझाउ दिएका छन्।

पत्रकारहरू, लोकतन्त्रका संरक्षकको रूपमा, समृद्ध र सामंजस्यपूर्ण सिक्किममा योगदान गर्दै सत्यको पछि लाग्न प्रोत्साहित गरेका छन्।

सिक्किममा प्रेसले समृद्ध समाज निर्माणमा रचनात्मक भूमिका खेल्दै फस्टाउँदै जाने उनले कामना गरेका छन्।

यसरी नै राज्यका मुख्यमन्त्री प्रेम सिंह तामाङले पनि राष्ट्रीय प्रेस दिवसको अवसरमा हार्दिक बधाई साथै शुभकामना दिएका छन्। प्रेसले लोकतन्त्रको पहरेदारको रूपमा काम गर्दै आइरहेको साथै पारदर्शिता, जवाफदेहिता र सूचनाको अधिकारको सिद्धान्तलाई कायम राख्न अथक प्रयास गरेको बताएका छन्। पत्रकारहरूको लगनशील प्रयासले हामीलाई हाम्रो संसारलाई आकार दिने घटनाहरूको बारेमा जानकारी गराउने गरेको उनको भनाइ रहेको छ।

हामीले राष्ट्रिय प्रेस दिवस मनाउने क्रममा डिजिटल युगमा पत्रकारिताको विकासशील प्रकृतिलाई पनि चिन्तन गर्नुपर्ने सुझाउ दिएका छन्। अनलाइन प्लेटफर्महरूको उदयले जानकारीको प्रसार गर्ने तरिकालाई परिवर्तन गरेको बताउँदै, अवसर र चुनौतीहरू दुवै प्रस्तुत गर्दै आएको उल्लेख गरेका छन्।