नयाँ दिल्ली: प्रधानमन्त्री नरेन्द्र मोदी तेलंगानामा हुन लागेको विधानसभा चुनावको प्रचार गर्न शनिबार सिकन्दराबाद पुगेका छन्। यसैबीच, प्रधानमन्त्रीको जनसभाको क्रममा एक युवती बत्ती-ध्वनिका लागि बनाइएको टावरमा चढिन्। प्रधानमन्त्री मोदीले केटीलाई टावरमा चढेको देखेपछि तल ओर्लन आग्रह गरे। प्रधानमन्त्री मोदीले युवतीलाई भने, छोरी, म तिम्रो कुरा सुन्छु, तल झर…’युवतीले प्रधानमन्त्रीसँग कुरा गर्न चाहिन्। यसअघि जनसभालाई सम्बोधन गर्दै उनले गरिबको कल्याण आफ्नो सरकारको प्राथमिकता रहेको बताए। बीआरएस सरकारलाई निशाना बनाउँदै प्रधानमन्त्रीले १० वर्षअघि यहाँ बनेको सरकारले तेलंगानाको स्वाभिमान र इज्जतको रक्षा गर्न नसकेको बताए। विश्वले तेलंगानाका जनताको क्षमताको कदर गर्छ। तर, तेलंगाना सरकारले जनतालाई निराश बनाएको छ।

जनतालाई सम्बोधन गर्दै उनले भने, ‘आन्दोलनको समयमा जनतालाई तेलंगानाको पहिलो मुख्यमन्त्री दलित बनाउने वाचा गरिएको थियो, तर, राज्य बनेपछि केसीआर मुख्यमन्त्री बने र यसरी उनले जनताको आकांक्षालाई कुण्ठित गरेl’ उनले बीआरएस दलित विरोधी भएको र कांग्रेस पनि उनीजस्तै भएको बताए। बीआरएसले नयाँ संविधानको माग गरेर बाबा साहेब अम्बेडकरको अपमान गरेको छ। कांग्रेसको इतिहास पनि यस्तै छ। कांग्रेसले बाबा साहेबलाई दुई पटक चुनाव जित्न दिएन। बीआरस जस्तै कांग्रेसको पनि दलित र पिछडिएका जनताप्रति घृणाको इतिहास छ। जब बीजेपीले रामनाथ कोविन्दजीलाई राष्ट्रपतिको उम्मेदवार बनायो, कांग्रेसले उनलाई हराउन आफ्नो सबै शक्ति प्रयोग गर्‍यो र उनी राष्ट्रपति बनेपछि पनि कांग्रेसले उनको अपमान गर्यो। उनले भने, ‘जब भाजपाले महिलालाई भारतको पहिलो आदिवासी राष्ट्रपति बनाउने प्रस्ताव राख्यो, कांग्रेसले पनि श्रीमती द्रौपदी मुर्मु जीको विरोध गर्यो। दलित सरकारी अधिकृत हिरालाल सामरियालाई प्रमुख सूचना आयुक्त बनाएपछि कांग्रेसले पनि उनको सपथ समारोहको विरोध गरेको थियो। यति ठूलो सरकारी पदमा दलित अधिकारी बसोस् भन्ने कांग्रेसले चाहेको थिएनl’