नयाँ दिल्ली: एयर इण्डियाका मुख्य कार्यकारी अधिकारी (सीईओ) र प्रबन्ध निर्देशक (एमडी) क्याम्पबेल विल्सनले शुक्रबार भने, ‘कम्पनीले ४७० विमान अर्डर गरेको छ। यसले आगामी १८ महिनासम्म हरेक ६ दिनमा एउटा नयाँ विमान पाउनेछ। एसोसिएसन अफ एसिया प्यासिफिक एयरलाइन्सका अध्यक्षहरुको ६७औँ बैठकमा उनले भने, ‘हामीसँग नयाँ विमानहरू छन्, हामीले धेरै नयाँ चालक दल र कर्मचारी भर्ना गरिरहेका छौं, प्रशिक्षण प्रणालीमा सुधार गर्दैछौं र अझै धेरै काम गर्न बाँकी छ र हामीले राम्रो गरिरहेका छौंl’

सत्रमा, विल्सनले भने, ‘एयर इण्डियाका अधिकांश ग्राहकहरू विश्वसनीयता र समयनिष्ठता चाहन्छन्, र हाम्रा सामु चुनौती भनेको ग्राहकहरूको आवश्यकताहरू पूरा गर्नु हो। अन्तर्राष्ट्रिय उडानमा नयाँ विमान तैनाथ भइरहेको र ग्राउण्ड गरिएका अधिकांश विमान सेवामा ल्याइएको विल्सनले बताए। टाटाको स्वामित्वमा रहेको एयर इण्डियाले आठ प्रतिशतको संचयी वार्षिक वृद्धि दर (सीएजीआर) मा वृद्धि भइरहेको भारतीय अर्थतन्त्रलाई सेवा दिन ४७० वटा विमान अर्डर गरेको छ र अर्को १८ महिनामा हरेक छ दिनमा एउटा नयाँ विमान प्राप्त गर्ने तयारी गरेको छ। विल्सनले अन्य एयरलाइन्ससँग प्रतिस्पर्धा गर्न र एयर इण्डियाको लागि ट्राफिक बढाउने विश्वास पनि व्यक्त गरे।