मुम्बई: एकदिवसीय विश्वकप २०२३ मा भारतले लगातार सातौं खेल जितेर सेमिफाइनलमा प्रवेश गरेको छ। आफ्नो सातौं खेलमा भारतले श्रीलंकालाई ३०२ रनले पराजित गर्यो। पहिले ब्याटिङ गरेको भारतले आठ विकेट गुमाएर ३५७ रन बनाएको थियो। जवाफमा श्रीलंकाको टोली ५५ रनमा सिमित भयो। भारतले श्रीलंकाविरुद्धको लगातार दोस्रो खेलमा एकतर्फी जित दर्ता गरेको छ। यसअघि एसिया कपको फाइनलमा भारतले श्रीलंकालाई ५० रनमै सीमित गरेको थियो। भारतका लागि शुभमन गिलले सर्वाधिक ९२ रन बनाए। जहाँ विराट कोहली ८८ रन, श्रेयस अय्यर ८२ र रविन्द्र जडेजा ३५ रन बनाएर आउट भए। यस विश्वकपमा पहिलो पटक भारतीय टोलीले ३५० रनको आँकडा पार गरेको छ। यसअघि भारतले ६ खेलमा एकपटक पनि ३ सय रन बनाएको थिएन। शमीले बलिङमा ५ विकेट लिए। सिराजले तीन विकेट लिए। बुमराह र जडेजाले एक एक विकेट लिए।

यो खेलमा भारतीय फास्ट बलरले गरेको बलिङ देखेर विश्वकपमा सहभागी सबै टिम डराउनु पर्नेछ। यस खेलमा लोकेश राहुलले उत्कृष्ट विकेटकिपिङ गरेका थिए। जसरी बुमराह, सिराज र शमीको बलले हात बदलिरहेको थियो, त्यो काम कुनै पनि विकेटकिपरका लागि गाह्रो थियो तर राहुलले उत्कृष्ट विकेटकिपिङ गरे। उनले शमीको बल लेग स्टम्प बाहिर क्याच गरे। जब अम्पायरले यसलाई वाइड घोषित गरे, राहुलले रोहितलाई एक्लै समीक्षा गर्न मनाए र अन्ततः भारतको लागि एक विकेट प्राप्त गरे। यो विकेट शमीको खातामा गयो तर त्यसमा राहुलको पूरा योगदान थियो। शामीले फेरि पाँच विकेट लिएका छन्। यस विश्वकपमा उनले तीन खेलमा १४ विकेट लिएका छन्। जब शमी बलिङ गर्न आए, श्रीलंकाको स्कोर १४/४ थियो र उनलाई बलिङबाट हटाइँदा श्रीलंकाको स्कोर ४९/९ थियो। शामीले पाँच ओभरमा १८ रन दिएर पाँच विकेट लिए। उनले विश्वकपमा भारतका लागि कुल ४५ विकेट लिएका छन्। उनी विश्वकपमा सर्वाधिक विकेट लिने भारतीय खेलाडी हुन्। जसप्रित बुमराहले पहिलो बलमा विकेट लिएर श्रीलंकाका लागि यो खेल जित्न गाह्रो हुने स्पष्ट पारेका थिए। यसपछि सिराजले पनि अर्को ओभरमा दुई विकेट लिएर भारतको ठूलो जित पक्का भएको स्पष्ट पारे। अन्त्यमा शामीले पाँच विकेट लिएर भारतलाई ऐतिहासिक जित दिलाए।