इजरायल र हमासबीच अक्टोबर ७ देखि युद्ध चलिरहेको छ। इजरायली सेनाले गाजा पट्टीमा लगातार बमबारी गरिरहेको छ। यसले प्यालेस्टिनी क्षेत्रहरूमा पनि आफ्नो आक्रमणलाई तीव्र बनाएको छ, जसले टर्कीलाई त्रसित बनाएको छ। टर्कीका राष्ट्रपति रेसेप तैयप एर्दोगानले शनिबार इजरायललाई गाजा पट्टीमा आक्रमण तत्काल बन्द गर्न आग्रह गरेका छन्। उनले एक्समा लेखे, ‘गाजामा इजरायली बमबारी हिजो राति तीव्र भयो। फेरि पनि महिला, बालबालिका र निर्दोष नागरिकलाई निशाना बनाइयो। इजरायलले यो पागलपन तुरुन्तै बन्द गर्नुपर्छ र आफ्ना आक्रमणहरू बन्द गर्नुपर्छl’
इजरायलले अक्टोबर ७ मा हमासका आतंककारीहरूले सीमा पार गरेर १४ सय मानिसको हत्या गरेको र २२९ जनालाई बन्धक बनाएको बताएको छ। अब उसले गाजा पट्टीमा जमिन आक्रमण गर्ने तयारी गरिरहेको छ। हमासको आक्रमणको जवाफमा इजरायलको कारबाहीमा हालसम्म ७ हजार ३ सयभन्दा बढी व्यक्तिको मृत्यु भइसकेको छ जसमध्ये तीन हजार बालबालिका रहेका छन्। यो जानकारी गाजाको स्वास्थ्य मन्त्रालयले दिएको हो।
टर्कीका राष्ट्रपति एर्दोगानले शनिबार इस्तानबुलमा प्यालेस्टिनीहरूको समर्थनमा आफ्नो एकेपी पार्टीको र्यालीलाई सम्बोधन गरे, जसमा १० लाख मानिसहरू सहभागी थिए। यस क्रममा एर्दोगानले इजरायली दमनविरुद्ध प्यालेस्टिनी जनताको साथमा उभिने बताएका छन्। गत वर्ष सेप्टेम्बरमा पनि एर्दोगानले इजरायली प्रधानमन्त्री बेन्जामिन नेतान्याहुसँग भेट गरेर दुई देशबीचको कूटनीतिक सम्बन्ध पुनर्स्थापित गर्ने प्रयास गरेका थिए। तर, बुधबार उनले इजरायल जाने योजना रद्द गरे।
About Author
