कोचबिहार: माथाभांगा नम्बर दुई ब्लकको खोक्सडांगा क्षेत्रमा एक युवकको कथित हत्याले हलचल मच्चाएको छ। आज ठूलो संख्यामा पुलिस र उपजिल्लाधिकारीको उपस्थितिमा युवकको शव निकालिएको हो। घटना माथाभाङ्गा २ ब्लकको घोक्सडांगा क्षेत्रमा भएको हो। उल्लेखनीय छ, घोक्सडांगा पुलिस थाना अन्तर्गत कुशियारबारी इलाकाका फैजुल हक नामका युवक गत २२ बेपत्ता भएको उनको परिवारले जनाएको थियो। बेपत्ता प्रकरणको अनुसन्धानका क्रममा पुलिसले बेपत्ता फैजुल हकको मोबाइल फोन बरामद गरेको छ। घोक्सडांगा पुलिस थानाले सो मोबाइलबाट केही शंकास्पद मोबाइल नम्बर संकलन गरी सोधपुछ गरेको थियो। २६ पुलिसले रमजान अली नामका युवकलाई पक्राउ गरी सोधपुछ गर्दा यो हत्या प्रकरणमा अन्य चार जनाको नाम अगाडि आएको थियो। मृतकका बुबा फैजुल हकको दाबी छ कि छोराको केटीसँग बिहेको कुरा भयो तर छोराले अर्कै बिहे गरेको छ। आफ्नो छोराको बिहे गर्ने युवती र आमाबुवाले केही युवासँग मिलेर छोराको हत्या गरेको उनको दाबी छ। हत्याको कारणबारे पुलिसले अनुसन्धान गरिरहेको छ।