जलपाईगुडी: जंगलको छेउमा गाईवस्तु बाँध्ने क्रममा बाइसनले एक व्यक्तिलाई आक्रमण गरी गम्भीर घाइते बनाएको छ। धुपगुरी खण्डको गारखुटा क्षेत्रका ६६ वर्षीय नवकान्त रोय मंगलबार बिहान करिब ११ः३० बजे गाई बाँध्न जंगलको छेउमा गएका थिए। अचानक सोनाखली जङ्गलबाट आएको अर्ना (जंगली भैंसी)ले उनलाई पछाडिबाट आक्रमण गर्दा उनी गम्भीर घाइते भएका थिए। घटनाको खबर पाएर स्थानीयवासीले उनको उद्धार गरी उपचारका लागि धुपगुरी ग्रामीण अस्पतालमा पुर्याएका थिए। अर्कोतिर यो घटनाले क्षेत्रमा सनसनी मच्चिएको छ।

यो जानकारी धुपगुरी पुलिस स्टेशन र मराघाट रेन्ज पुलिसलाई दिइएको थियो। घटनाको खबर पाएलगत्तै वरिष्ठ कर्मचारी पुगे र पुलिसले सम्पूर्ण मामिलाको अनुसन्धान थालेको छ।