जलपाइगढी: राज्यकी मुख्यमन्त्री ममता ब्यानर्जीले दुर्गा पूजा समितिहरूलाई आर्थिक सहयोग गर्ने घोषणा गरेकी छन्। यस वर्ष प्रत्येक दुर्गा पूजा समितिलाई ७० हजार रुपियाँ चन्दा दिइने भएको छ। तदनुसार, मैनागढी पुलिस थानाले अधिकृत दुर्गा पूजा समितिहरूलाई चेक जारी गरेको थियो। मैनागढी पुलिस थानाका आईसीले सोमबार उक्त चेक हस्तान्तरण गरेका हुन्। यो चेक मैनागढी ब्लकका १४८ पूजा समितिहरूलाई हस्तान्तरण गरिएको थाहा छ। गत वर्ष अनुदान पाएका सबै पूजा समितिले यस वर्ष पनि अनुदान पाएका छन्। मैनागढी थानाका आईसी तमल दास लगायतका पुलिस अधिकारीहरूले पूजा समितिलाई उक्त चेक हस्तान्तरण गरेका हुन्।