नयाँ दिल्ली: प्रधानमन्त्री नरेन्द्र मोदीले आइतबार अमिताभ बच्चनलाई गुजरातमा आगामी रण उत्सव र ‘स्ट्याचु अफ युनिटी‘ भ्रमण गर्न आग्रह गरे। चलचित्र अभिनेता अमिताभ बच्चनले आइतवार सामाजिक सञ्जाल प्लेटफर्म ‘एक्स‘ (पहिले ट्विटर) मा प्रधानमन्त्रीको भर्खरै भगवान शिवको धाम आदि कैलाश शिखर र जोलिङ्कोङ, उत्तराखण्डमा पार्वती कुण्डको भ्रमणको तस्वीर साझा गरे, र खेद व्यक्त गर्दै भने, ‘दुःखको कुरा हो। म त्यहाँ कहिल्यै जान सक्दिनँl’ प्रधानमन्त्रीले बच्चनलाई जवाफ दिए र कच्छ जान सुझाव दिए। प्रधानमन्त्री मोदीले ‘एक्स‘ मा लेखेका छन्, ‘मेरो पार्वती कुण्ड र जागेश्वर मन्दिरको भ्रमण साँच्चै मनमोहक थियो। आगामी हप्ताहरूमा, रण उत्सव शुरु हुँदैछ र म तपाईंलाई कच्छ भ्रमण गर्न आग्रह गर्दछु। स्ट्याचु अफ युनिटीको पनि तपाईंको भ्रमण बाँकी छl’ प्रधानमन्त्री मोदी बिहीबार उत्तराखण्डको एक दिने भ्रमणमा थिए, जहाँ उनले आदि कैलाश चुचुरोको दर्शन र पार्वती कुण्डमा पूजा गरे। त्यसपछि उनले विभिन्न विकास आयोजनाको उद्घाटन तथा शिलान्यास गर्नुका साथै जनसभालाई पनि सम्बोधन गरेका थिए।