नासाको अत्याधुनिक टेलिस्कोप जेम्स वेबले अन्तरिक्षमा लुकेका अचम्मको रहस्य उजागर गरेको छ। नासाले जेम्स वेब टेलिस्कोपबाट लिइएको विस्तृत तस्वीर सार्वजनिक गरेको छ। नासाले पनि यो खगोल विज्ञानको संसारमा नयाँ युगको शुरुवात भएको बताएको छ। खगोलविद्हरूले अब नासाका यी तस्वीरहरू र अत्याधुनिक प्रविधिको सहायताले हाम्रो आकाशगंगामा रहेका ग्रहहरूको वायुमण्डलको अध्ययन गर्न सक्नेछन्। यसबाट यी ग्रहहरूमा जीवनको संकेत छ कि छैन भन्ने थाहा हुनेछ। नासाले युरोपेली र क्यानडाको अन्तरिक्ष एजेन्सीको सहयोगमा यी तस्वीरहरू सार्वजनिक गरेको हो। नासाले मङ्गलबार जारी गरेको एउटा तस्वीरमा धुलोको बादल र प्रकाशका किरणहरू मरिरहेको ताराको वरिपरि देख्न सकिन्छ। यसलाई साउदर्न रिङ नेबुला भनिन्छ जुन पृथ्वीबाट २५०० प्रकाश वर्षको दूरीमा छ। अर्को छविले स्टीसफन क्विनटेट नामक आकाशगंगाको समूह देखाउँछ। साउदर्न रिङ नेबुलाका बारेमा नासाले भन्यो, ‘यस दृश्यको केन्द्रमा रहेको शमन ताराले हजारौं वर्षदेखि चारैतिरबाट ग्यास र धुलोको वलहरू निस्किरहेको छ।’