मुम्बई: आईसीआईसीआई ब्यांकले लाखौं खुद्रा र एकल मालिक ग्राहकहरूलाई एकै स्थानमा उनीहरूको बचत र चालू खाताहरूमा पहुँच प्रदान गर्दै ‘आईफाइनान्स‘ को शुरुवात गरेको प्रेस विज्ञप्तिमा बताएको छ। विज्ञप्तिका अनुसार, ‘अन्य ब्यांकका ग्राहकहरूले पनि यो सुविधा लिन सक्छन्, जुन आईसीआईसीआई ब्यांकले ब्यांकको डिजिटल प्लेटफर्महरू जस्तै आईमोबाइल पे एप, रिटेल इन्टरनेट ब्यांकिङ (आरआईबी), कर्पोरेट इन्टरनेट बैंकिङ (सीआईबी) र इस्टाबिज (व्यवसायका लागि ब्यांकको मोबाइल एप)मा शुरु गरेको छl ‘आईफाइनान्स‘ले सबै खाताहरूको एकल दृश्य ड्यासबोर्ड प्रदान गर्दछ। प्रयोगकर्ताहरूले खाता ब्यालेन्स जाँच गर्न सक्छन्, खर्च ढाँचामा बहुमूल्य जानकारी प्राप्त गर्न सक्छन्, स्टेटमेन्टहरू डाउनलोड गर्न सकिन्छl’

‘आईफाइनान्स‘ को शुरुवातको बारेमा सिद्धार्थ मिश्र, प्रमुख- डिजिटल च्यानल, आईसीआईसीआई ब्यांकले भने, ‘आईसीआईसीआई ब्यांकमा, हामी हाम्रा ग्राहकहरूलाई भविष्य र नवीन डिजिटल समाधानहरू प्रदान गर्न प्रतिबद्ध छौं। ‘आईफाइनान्स’को शुरुवातसँगै हामीले हाम्रा ग्राहकहरुका साथै अन्य ब्यांकका ग्राहकहरुलाई आफ्नो खाताको डेटा एकै ठाउँमा हेर्न र उनीहरुको वित्तमा राम्रो नियन्त्रण प्रदान गर्न सक्षम बनाउँदैछौँ। खाता एग्रीगेटर इकोसिस्टमको फाइदा उठाउँदै ग्राहकहरूलाई खुला ब्यांकिङ सुविधा उपलब्ध गराउन ब्यांकको यो पहल हो। यो अनौठो सुविधाले प्रयोगकर्ताहरूलाई आफ्नो खर्चको ढाँचालाई एक सुरक्षित ठाउँमा विश्लेषण गरेर आफ्नो खर्च व्यवस्थापन गर्न पनि सहज बनाउँछl’