राजगञ्ज: आज केन्द्रीय प्रतिनिधि टोली केन्द्र सरकारको परियोजनाको कार्यहरूको निरीक्षण गर्नको लागि राजगञ्ज आइपुगेको छ। आज दुई सदस्यीय प्रतिनिधि टोलीले जलपाईगढी जिल्ला प्रशासनको केही अधिकारीहरूलाई साथमा लिएर सन्न्यासीकाटामा केन्द्रको आदमी परियोजनाको निरीक्षण गर्यो। सदरागछ सन्यासीकाटा जल उपयोगकर्ता समितिले जल संसाधन अनुसन्धान एवम् विकास विभागको देखरेखमा एउटा परियोजना शुरू गरेको छ। जल संरक्षण बाहेक माछा पालन, भर्मी कम्पोस्ट बनाउनु, निम्बूको खेती, मेवाको खेती र बदामको खेती पनि त्यहाँ गरिन्छ। समिति सूत्रले दिएको जानकारी अनुसार यो परियोजना लगभग ३० बीघा जमिनमा तयार गरिएको छ भने परियोजनालाई देखेर प्रतिनिधि टोली निक्कै खुसी छन्। समितिका सचिव निरञ्जन रायले बताएअनुसार १६ जना महिला र ६ जना सदस्यलाई लिएर उक्त समिति बनाइएको छ। यो परियोजना मुख्य रूपमा महिलाहरूद्वारा सञ्चालित गरिन्छ। प्रतिनिधि टोली पुरा परियोजना देखेर निक्कै खुसी भएको छ भने तिनीहरूले अधिक वित्तीय सहयोग गर्ने वचन दिएको छ।