सिलगढी: अमिताभ बच्चन ८१ वर्षका भएका छन्। उनको अभिनयले देश र विदेशका असंख्य दर्शकहरूलाई वर्षौंदेखि मोहित बनाएको छ। कहिले अमित जी, कहिले बिग बी, कहिले एग्री यंग म्यान र कहिले शहेनशाहको रुपमा पर्दामा देखिएका छन्। अमिताभ बच्चनले आफ्नो अभिनय कौशल र करिश्माले पुस्तादेखि दर्शकहरूलाई मोहित गर्दै आएका छन्। उनी पाँच दशकदेखि भारतीय सिनेमाका मेगास्टार हुन्।अमिताभ बच्चन फ्यान क्लब उत्तर बंगालले बुधबार बिग बीको ८१औं जन्मदिन सिलगढीको सेवक रोडमा रहेको सपिङ मलमा मनायो। यस क्रममा पद्मश्री करीमुल हक उपस्थित थिए र फ्यानहरूले अमिताभ बच्चनको नाममा केक काटेर खुशी मनाएका थिए। त्यसपछि कार्यक्रमको स्टेजमा स्थानीय कलाकारहरुले बिग बीको फिल्मका गीत गाएका थिए। बिग बीले आफ्नो फिल्मी करियरमा २०० भन्दा बढी फिल्म गरेका छन्।
सन् १९७१ मा ऋषिकेश मुखर्जी निर्देशित फिल्म ‘आनंद’ बाट उनले आफ्नो फिल्मी यात्रा सुरु गरेका थिए। सन् १९७३ मा जञ्जीर र नमक हराममा आफ्नो अभिनयले सबैको मन जितेका थिए। फ्यानको माया बाहेक उनले धेरै अवार्ड पनि पाएका छन्। बिग बीका फ्यानहरू उनको ८१औं जन्मदिन मनाउन उत्साहित भएका थिए, उनको दीर्घायुको कामना गरेका थिए।