पुरी: ओडिशाको जगन्नाथ मन्दिर व्यवस्थापनले भक्तहरूको सन्दर्भमा ठूलो निर्णय गरेको छ। मन्दिर प्रवेश गर्नुअघि नै भक्तजनका लागि ठूलो खबर छ। सबै भक्तजनका लागि ड्रेस कोड लागु गरिने व्यवस्थापनले जनाएको छ। आगामी जनवरी १ गतेदेखि मन्दिरमा आउने भक्तजनले ड्रेस कोड लगाएर मात्रै मन्दिर प्रवेश गर्न पाउनेछन्।
यी कपडा लगाउन प्रतिबन्ध हुनेछ
मन्दिर व्यवस्थापनको यो निर्णयपछि जनवरी १ गतेदेखि मन्दिरमा छोटो लुगा, फाटेको जिन्स, स्कर्ट र स्लिभलेस जस्ता कपडामा प्रतिबन्ध लगाइने भएको छ। यस्ता लुगा लगाएर भक्तजनले मन्दिर प्रवेश गर्न पाउँदैनन्। मन्दिरमा कस्तो लुगा लगाउने भन्ने बारे अहिले कुनै निर्णय भइसकेको छैन तर छिट्टै निर्णय हुनेछ।
मन्दिर व्यवस्थापन प्रमुखको बयान
जगन्नाथ मन्दिर व्यवस्थापनका प्रमुख रञ्जनकुमार दासका अनुसार भक्तजनहरु छोटो लुगा लगाएर मन्दिरमा दर्शनका लागि आउने गरेकाले मन्दिरको नीति उपसमितिको बैठकले यस्तो निर्णय गरेको हो। यसपछि अब नियमबमोजिम पूरै लुगा लगाएर आउने मानिसलाई मात्र मन्दिरमा जान दिइनेछ। मन्दिरमा भगवान बास हुने ब्यवस्थापनका प्रमुख बताउँछन्, यो कुनै आस्था र मनोरञ्जनको ठाउँ होइन। यहाँ आउने मानिसहरू पार्क वा समुद्र तटमा घुम्न गएको जस्तो लुगा लगाउँछन्। जुन सरासर गलत हो। यस्तो अवस्थामा अरुको धार्मिक भावनामा चोट पुग्छ।