शिलाङ: मेघालयमा ड्रग्स विरूद्ध पुलिसको कारबाहीमा आज ठूलो सफलता हासिल भएको छ। मेघालयका मुख्यमन्त्री कोनराड साङमाले आज सोशल मीडियामा बताए, पुलिसले दुई अलग-अलग अभियानहरूमा लगभग एक किलोग्राम हेरोइन जफत गरेको छ।

गुप्त सूचनाको आधारमा मेघालयको रिभाई जिल्ला पुलिसले नोङपोहमा सिलचरदेखि गुवाहाटी गइरहेको एक रात्रिबस (एएस-२४ एसी-११५२) को तलाशी लियो र यसबाट हेरोइन भरेको ३० वटा साबुनदानी जफत गरियो। साबुनदानीबाट कूल ९२१ ग्राम हेरोइन जफत गरियो।

पुलिस अनुसार, जफत गरिएको हेरोइनको दर लगभग ९ करोड़ रूपियाँ छ। पुलिसले हेरोइनको आपूर्ति गरेको आरोपमा बसको चालक र सह-चालकका साथै एक अन्तरराज्यिय ड्रग्स तस्करलाई पक्राउ गरेको छ।

ड्रग्स तस्करले मिजोरदेखि कछारको हाटो गुवाहाटीमा ड्रग्सको आपूर्ति गर्ने योजना बनाएको थियो। यसबीच एक अन्य मादक पदार्थरोधी अभियानमा नर्थ गारो हिल्स पुलिसको मादक पदार्थ रोधी एक टीमले तुराको स्प्रिङ हिल्स निवासी हेलील के संगमा नाम गरेको एक व्यक्तिबाट ३.४ ग्राम हेरोइन जफत गऱ्यो। ड्रग्स तस्करलाई पक्राउ गरिएको छ।