सिलगढ़ी। सिक्किममा बाँध भत्किएका कारण टिस्टा लगायतका धेरै नदीहरू ओभरफ्लो भएपछि उत्तरबंगालको जलपाईगढ़ी जिल्ला र दार्जीलिङ जिल्लाका धेरै ठाउँमा हिजो बाढ़को स्थिति उत्पन्न भयो। जसका कारण धेरै मानिस घरबारविहीन भएका छन्। यसैबीच पश्चिम बंगालका सिँचाइ विभागका मन्त्री पार्थ भौमिक बिहीबार बिहान कोलकाताबाट बागडोग्रा एयरपोर्ट पुगे भने बागडोगरा विमानस्थलबाट उनी सिधै बाढ़ प्रभावित क्षेत्रको निरीक्षण गर्न गजलडोबा पुगेका थिए। त्यहाँ उनले सिँचाइ विभागका धेरै अधिकारी र इन्जिनियरहरूसँग छलफल गरे। बैठकमा राज्यमन्त्री सबिना यास्मिन, मन्त्री गुलाम रब्बानी, मन्त्री बुलुचिक बढ़ाइक, विधायक खगेश्वर रायलगायत जनप्रतिनिधिहरुको उपस्थिति रहेको थियो। पछि सिँचाइ मन्त्रीले जलपाईगढ़ीको टिस्टा नदी क्षेत्रको भ्रमण गरे। पत्रकारहरुसँग कुरा गर्दै मन्त्री पार्थ भौमिकले आज प्राविधिक टोलीमा थप के कदम चाल्ने भन्ने विषयमा छलफल भएको बताए। उनले यो संकटको घड़ीमा जनताका लागि जे आवश्यक छ, त्यो गर्ने पनि बताए।