हाङ्जाउ: एसियन गेम्स २०२३ मा भारतका लागि आज मंगलबार सुनौलो दिन रह्यो। आज यो समाचार लेख्दासम्म भारतीय खेलाडीले कुल ९ पदक जितेका छन्। जसमा दुई स्वर्ण पदक पनि सामेल छन्। मध्य दूरीकी पारुल चौधरीले देशका लागि स्वर्ण जितेकी छन्। पारुलले ५ हजार मिटर दौडमा १५ मिनेट १४:७५ सेकेण्डमा यो उपलब्धि हासिल गरिन्। महिला भाला थ्रोमा भारतीय खेलाडी अन्नु रानीले उत्कृष्ट प्रदर्शन गरिन्। अन्नुले ६२.९२ को थ्रोका साथ स्वर्ण पदक जितिन्। अन्नुका अलावा प्रवीण चित्रवेलले काँस्य पदक जिते। जबकि मोहम्मद अफसलले ८०० मिटर दौडमा देशलाई रजत पदक दिलाए। अन्नु उत्तर प्रदेशको मेरठकी बासिन्दा हुन्।

डेकाथलनमा तेजस्विन शंकरले रजत पदक जितेका छन्। उनले डेकाथलन पुरुषको राष्ट्रिय कीर्तिमान तोडेका छन्। योसँगै भारतले करिब ४९ वर्षपछि एसियन गेम्सको डेकाथलन पदक जितेको छ। यसअघि भारतले अन्तिम पटक सन् १९७४ मा एसियन गेम्समा पदक जितेको थियो। १९औं एसियन गेम्समा भारतीय खेलाडीले उत्कृष्ट प्रदर्शन गरिरहेका छन्। अहिलेसम्म भारतले सम्पूर्ण प्रतियोगितामा ६९ पदक जितेको छ। जसमा १५ स्वर्ण, २६ रजत र २८ काँस्य पदक रहेका छन्। वरीयताको कुरा गर्दा, चौथो एसियन गेम्स २०२३ मा पदक जित्ने हिसाबले भारत चौथो स्थानमा छ।