नयाँ दिल्ली: प्रधानमन्त्री नरेन्द्र मोदीले मंगलबार दाबी गरे कि तेलंगानाको सत्तारुढ भारत राष्ट्र समिति (बीआरएस) प्रमुख र मुख्यमन्त्री के चन्द्रशेखर रावले दिल्लीमा उनलाई भेटेका थिएl सो भेटमा एनडीएमा सामेल हुने प्रस्ताव राखेका थिए, तर उनले सत्तारुढ गठबन्धनमा। अस्वीकार गरे। तेलंगानामा करोडौं रुपियाँको विभिन्न परियोजनाहरूको उद्घाटन र शिलान्यासपछि यहाँ आयोजित जनसभालाई सम्बोधन गर्दै प्रधानमन्त्री मोदीले अर्को भेटमा केसीआरले आफूले तेलंगानाको सत्ता आफ्नो छोरा र बीआरएसका  कार्यकारी अध्यक्ष टी रामारावलाई सुम्पने बताएको पनि दाबी गरे। प्रधानमन्त्रीले केसीआरलाई ‘सबै सहयोग’ दिन अस्वीकार गरेपछि उनी आफूबाट भाग्न थालेको बताए। मुख्यमन्त्री के चन्द्रशेखर रावको लोकप्रिय नाम ‘केसीआर’ हो। जनसभाको क्रममा पीएम मोदीले जनतालाई यस्तो खुलासा गर्न चाहेको बताए, जुन उनले पहिले कहिल्यै गरेका थिएनन्। उनले आफूले बोल्ने कुरामा शतप्रतिशत सत्यता रहेको बताए। उनले हैदरावाद नगरपालिकाको चुनावमा भारतीय जनता पार्टीले ४८ सिट पाएको र कुनै पनि दलले बहुमत नपाएको बताए।

पीएम मोदीले भनेका छन्, ‘यो चुनावअघि केसीआर उनलाई स्वागत गर्न पुरै सेनासहित एयरपोर्टमा आउँथे, राम्रोसँग माला पहिराउँथे, धेरै सम्मान गर्थेl’ उनले भने, ‘त्यसो भए के भयो? अचानक रोकियो? उनी एक्कासी किन रिसाए? यसको कारण के हो भने हैदरावाद चुनावपछि उनी मलाई भेट्न दिल्ली आएका थिए। धेरै राम्रो शाल ओढाए। धेरै सम्मान गरें । धेरै माया देखाएँl यो केसीआरको चरित्रमा छैन अनि तपाईंको नेतृत्वमा देश अगाडि बढिरहेको छ भन्न थाले। हामी पनि एनडीएको एक हिस्सा बन्न चाहन्छौं। तपाईं हामीलाई समावेश गर्नुहोस्l’ प्रधानमन्त्रीले भने, ‘जब केसीआरसँग कारण जान्न खोजें, उनले हैदरावाद नगरपालिकामा भाजपाको समर्थन मागेl’ पीएम मोदीले भने, ‘मैले केसीआरलाई भनेको थिएँ कि तपाईको कार्य यस्तो छ कि मोदी तपाईसँग जोडिन सक्दैनन्। हैदरावादमा विपक्षमा बस्नु पर्यो भने बस्छौँ। यदि केसीआरको सरकारले हाम्रा कार्यकर्ताहरूलाई दमन गर्छ भने हामी दमन सहन्छौं, तर हामी तेलंगानाका जनतालाई धोका दिन सक्दैनौंl’ प्रधानमन्त्रीले केसीआरलाई तेलंगानाका जनताले हैदरावादमा ४८ सिट दिए पनि भाजपाका लागि यो शुरुवात भएको बताए। उनले भने, ‘मैले उनीहरूलाई कुनै पनि हालतमा सहयोग गर्न अस्वीकार गरें। एनडीएमा प्रवेश अस्वीकार गरे, त्यसपछि उनको दिमाग घुम्यो। त्यसपछि उनी भागेl’ प्रधानमन्त्रीले केसीआर फेरि एकपल्ट भेट्न आएको बताए।