कोलकाताः पश्चिम बंगाल पुलिसको स्पेशल टास्क फोर्स (एसटीएफ) ले उत्तर प्रदेशबाट फेन्सीडिल लिएर पश्चिम बंगालको दुर्गापुर पुगेका दुई तस्करलाई समाएको छ। यिनीहरूको पहिचान ३२ वर्षीय दुर्गेश कुमार र १९ वर्षीय कन्हैया यादवको रूपमा गरिएको छ। दुवै उत्तर प्रदेशको हाथरसका बासिन्दा हुन्।

एसटीएफका एसपी इन्द्रजीत बसु अनुसार, आसनसोल दुर्गापुर पुलिस कमिश्नरेटमा न्यू टाउनशिप पुलिस स्टेशन क्षेत्रमा लागू औषदको तस्करीबारे ठोस सूचना प्राप्त भएको थियो। यसपछि एबीएल मोड़ नजिक घेराबन्दी गरियो। यहाँ एक १० चक्के ट्रक जस्तै आयो त्यसलाई घेरेर तलाशी लिइयो, यसबाट पाँच हजार फेन्सीडिलको बोतल जफत गरियो।

सुरक्षा बलहरूलाई झुक्याउन ट्रकमा ताजा फल भरेर लगिन्दैथियो। तर त्यसभित्र फेन्सीडिल लुकाएर राखिएको थियो। फेन्सीडिललाई २५ अलग-अलग प्याकेटमा भरेर लुकाइएको थियो। यस सम्बन्धमा आसनसोल दुर्गापुर पुलिस कमिश्नरेटको न्यू टाउनशिप थानामा मामिला दर्ता गरी कानूनी कारबाही शुरू गरिएको छ। ट्रकलाई पनि जफत गरिएको छ, जुन दिल्लीको ठेगानामा पंजीकृत छ।

-हिस