नयाँ दिल्ली: सुपरस्टार रजनीकान्तको चलचित्र ‘लाल सलाम’ छिट्टै ठूलो पर्दामा रिलिज हुँदैछ। यसअघि रजनीकान्तको फिल्म ‘जेलर’ ले हलचल मच्चाएको थियो। रजनीकान्तले ‘जेलर’मा उत्कृष्ट अभिनय गरेका थिए। यो चलचित्रले घरेलु बजारमा मात्रै नभई विश्वभर राम्रो कमाइ गरेको छ। रजनीकान्त फिल्म ‘लाल सलाम’ मार्फत दर्शकलाई मनोरञ्जन दिन आउँदैछन्। हालै फिल्म ‘लाल सलाम’का निर्माताले यो फिल्मको रिलिज मिति घोषणा गरेर रजनीकान्तका फ्यानहरुलाई ठूलो उपहार दिएका छन्। पोस्टर सेयर गर्दै फिल्म निर्माताले फिल्म ‘लाल सलाम’ सन् २०२४ को पोङ्गलको शुभ अवसरमा रिलिज हुने बताएका छन्, यो घोषणापछि फ्यानहरु फेरि एकपटक सिल्वर स्क्रिनमा रजनीकान्तको जादू हेर्न उत्साहित भएका छन्। ‘लाल सलाम’ मा विष्णु विशाल र विक्रान्त मुख्य भूमिकामा छन् भने रजनीकान्त फिल्ममा केमियो रोलमा देखिनेछन्। यो तमिल खेलकुद नाटक हो जसलाई निर्देशक ऐश्वर्या रजनीकान्तले निर्देशन गरेका हुन् र लाइका प्रोडक्सनका सुबास्करन अलिराजहले निर्माण गरेका हुन्। फिल्मको संगीत एआर रहमानले गरेका हुन्। वर्कफ्रन्टको कुरा गर्ने हो भने रजनीकान्त चाँडै लोकेश कनागराजको फिल्ममा देखिनेछन्। हालै बीसीसीआईले रजनीकान्तसँगको तस्विर शेयर गरेको थियो।