नयाँ दिल्ली: भारतमा रहेको अफगान दूतावासको काम कारवाही आज (१ अक्टोबर)देखि बन्द गर्ने घोषणा गरिएको छ। अफगानिस्तानले आयोजक राष्ट्र भारतबाट सहयोग नपाएको दाबी गरेको छ। शनिबार राति उसले यहाँ अक्टोबर १ देखि आफ्नो काम बन्द गर्ने घोषणा गर्यो। अफगान दूतावासले एक विज्ञप्तिमा यो निर्णयको घोषणामा गहिरो खेद व्यक्त गरेको छ। नयाँ दिल्लीस्थित अफगानिस्तान दूतावासले आफ्नो सञ्चालन बन्द गर्ने यो निर्णयको घोषणा गरेकोमा अत्यन्तै दुःख र निराशा छ। दूतावासले आफ्नो विज्ञप्तिमा मिसनलाई प्रभावकारी रूपमा संचालन गर्न नसक्नुको केही कारण दिएको छ। उनले आफुलाई आयोजक राष्ट्रबाट अत्यावश्यक सहयोग नपाएको कारणले आफ्नो काम प्रभावकारी रुपमा गर्न नसकेको आरोप लगाए। दूतावासले अफगानिस्तानको हितमा अपेक्षाअनुरुप काम नगरेको पनि जनाएको छ।

यो दु:खद घडीमा आयोजक राष्ट्र भारतबाट जुन सहयोग उपलब्ध गराउनु पर्ने थियो त्यो नपाएको दूतावासको तर्फबाट जनाएको छ। दूतावासको हैसियतले अफगानिस्तानका नागरिकको अपेक्षा पूरा गर्न असफल भयो किनभने काबुलमा वैध सरकार चलिरहेको छैन र भारतबाट आवश्यक सहयोग प्राप्त भएको छैन। स्रोतसाधनको अभावका कारण दूतावासका कर्मचारीको संख्या न्यूनीकरण गर्नुपर्‍यो जसले गर्दा महत्वपूर्ण कामहरू गर्न झन्झटिलो हुँदै गएको थियो। अफगान कूटनीतिज्ञको भिसा नवीकरणमा पनि समस्या भएको र यसले काम प्रभावित भएको छ।

यही कारणले दूतावास बन्द गरी आयोजक राष्ट्रलाई हस्तान्तरण गर्ने निर्णय भएको हो। यसले अफगान कूटनीतिज्ञहरूले अन्य देशहरूमा शरण लिन खोजेको कुरा अस्वीकार गर्दछ। दूतावासले बन्द गर्नुअघि सूचना प्रमाणीकरण गर्न पनि माग गरेको छ। तर, दूतावासमा अफगान झण्डा राख्न माग गरिएको छ। अफगानिस्तानको इस्लामिक इमिरेट्स (तालिबान कब्जा पछिको नाम) होइन। दूतावास भारत सरकारसँग सम्झौता गर्न तयार रहेको पनि बताइएको छ।