सिलगढ़ी। युनाइटेड फोरम फर ट्राइबल राइट्सले सिलगढ़ीमा र्‍याली निकालेर महकुमा शासकमार्फत मुख्यमन्त्रीलाई ज्ञापनपत्र पठायो जसमा चिया बगानमा ५ दशमलव जग्गा लीजको सट्टा जग्गाको स्वामित्व दिन माग गरिएको छ। शुक्रबार दिउँसो आदिवासी समुदायका मानिसहरूले सहरको एयरभ्यु मोडबाट जुलुस निकालेर सिलगढ़ी डिभिजनल प्रशासकको कार्यालय अगाडि आएका थिए। उनीहरुले विभागीय प्रशासक मार्फत मुख्यमन्त्रीलाई आफ्ना मागहरुको ज्ञापनपत्र बुझाएका हुन्। उनीहरुको माग छ कि राज्य सरकारले जारी गरेको नयाँ निर्देशिकामा चियाकमान क्षेत्रमा बसोबास गर्नेलाई ५ दशमलव जमिनको पट्टा दिईने उल्लेख छ त्यसको विरोध गरिरहेका छन्।

आफ्ना पुर्खा र आफू चियाकमान क्षेत्रमा वर्षौंदेखि बस्दै आएकोले उनीहरूलाई जग्गामा पट्टा होइन तर पूर्ण अधिकार दिनुपर्छ र जग्गाको खतियान र पाँच दशमलव पट्टा दिन जारी गरिएको निर्देशिका फिर्ता लिनुपर्ने उनीहरुको माग रहेको छ।