२७ सेप्टेम्बरः डुवर्सको रामझोड़ा फूटबल कमिटीको तत्त्वावधानमा आयोजित रामझोड़ा टी गार्डन फूटबल अनर कप २०२३ टुर्नामेण्टमा वरियर्स स्पोर्टिंग क्लब (तुलसीपाड़ा)-ले फाइनलमा स्थान बनायो। रामझोड़ा फूटबल मैदानमा बुधवार खेलिएको पहिलो सेमिफाइनल म्याचमा वरियर्स स्पोर्टिंग क्लबले उज्जल इलेभेन (बीरपाड़ा)-लाई ३-०-ले पराजित गऱ्यो। विजेता टीमबाट रिकी हांसदाले ४३औं र ६५औं मिनटमा २ गोल गरे। यसबाहेक विशाल कार्जीले ८५औं मिनटमा तेस्रो गोल गरे। विजेता टीमका खेलाड़ी रिकी हांसदालाई हीरो अव् द म्याच चयन गरियो। अब बिहीवार खेलिने दोस्रो सेमिफाइनलमा दलसिंगपाड़ा स्पोर्ट्स एकाडमी (डीएसए) र जेकेएस, टोटोपाड़ाबीच भिड़न्त हुनेछ। यस टुर्नामेण्टको दोस्रो सीजनमा जम्मा १६ वटा टीमले हिस्सा लिएको छ। टुर्नामेण्टको फाइनल १ अक्टोबरमा हुनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा ६० हजार रुपियाँको नगद पुरस्कार प्रदान गरिनेछ। यसरी रनरअप् हुने टीमलाई आकर्षक ट्रफीको साथमा ४० हजार रुपियाँको नगद पुरस्कार प्रदान गरिनेछ।