कोलकाता: यस वर्ष पश्चिम बंगालमा डेंगुले धेरै चिन्ता बढाएको छ। यस पटक दुर्गा पूजाको समयमा डेंगुको आतंक अझै बढ्न सक्ने विज्ञहरुको भनाइ छ। यसपटक भने डेंगु शक सिन्ड्रोमका केसले आतंक बढाएको छ, किनभने यसबाट मानिसको शरीरका अंगले पनि काम गर्न छाड्न सक्छ। अहिलेसम्म मानिसहरूले डेंगु भनेको ज्वरो र प्लेटलेट घट्नु भन्ने बुझेका छन्। यसका आधारमा मात्रै उपचार हुन्थ्यो। तर, यसपटक डेंगु सक सिन्ड्रोमले चिकित्सकको समस्या बढाएको छ। यो सिजन डेंगु एक्सपेन्डेड सिन्ड्रोमको खतरा बढेको चिकित्सकहरु बताउँछन्।

यस्ता छन् लक्षण: शरीरमा पीसीभी बढेमा पिसाब नआउनु वा पिसाब बाक्लो हुनु र पहेँलो वा अन्य रंगको पिसाब आउनु जस्ता लक्षणहरू रहेको चिकित्सकहरूले बताएका छन्। यसबाहेक चक्कर आउनु पनि पीसीभी बढेको लक्षण हो। यस बाहेक थकान, कमजोरी, छाला पहेंलो, सास फेर्न गाह्रो हुनु आदि पनि पीसीभी बढ्नुका लक्षण हुन्।

डेंगुमा पीसीभी परीक्षण पनि आवश्यक: डेंगुमा दैनिक प्लेटलेट्स जाँचसँगै पीसीभी परीक्षण गर्नु अत्यन्तै जरुरी रहेको, यस बाहेक डेंगुमा पानी, जुस जस्ता तरल पदार्थ बढी पिउन सल्लाह दिइन्छ।

भाइरस उत्परिवर्तनका कारण बढ्यो केस: यस पटक डेंगु सक सिन्ड्रोमका धेरै केसहरु आएका छन्। च्कित्सकहरूका अनुसार यसपटक भाइरसको म्युटेशनका कारण मानिसमा डेंगु सक सिन्ड्रोम भइरहेको छ।

विश्व स्वास्थ्य संगठनले डेंगु ज्वरोसँगै अन्य गम्भीर साइड इफेक्टहरू हुँदा विस्तारित डेंगु सिन्ड्रोम (ईडीएस) नाम दिएको छ। यससँग सम्बन्धित गम्भीरताका कारण मृत्युदर बढी हुन्छ। यी जटिलताहरूमा डेंगु हेमोरेजिक ज्वरो र डेंगु शक सिन्ड्रोम समावेश छ, जसले हृदय, मस्तिष्क, कलेजो, फोक्सो र मृगौलालगायत बहु-अङ्गहरू विफलता निम्त्याउँछ। डेंगुले सामान्यतया ज्वरो निम्त्याउँछ जसका लक्षणहरू चिसो लाग्ने, टाउको दुख्ने, शरीर दुख्ने, वान्ता हुने र दाग लाग्ने जस्ता हुन्छन्। तर, धेरैको अवस्था गम्भीर बन्दै गएको छ जसलाई विस्तारित डेंगु सिन्ड्रोम भनिन्छ।