२६ सेप्टेम्बरः खोकला युनाइटेड स्पोर्ट्स एसोसिएशन, जयगाउँको तत्त्वावधानमा आयोजित गोर्खा कप २०२३ नक्आउट फूटबल टुर्नामेण्टमा रेड बूल एफसी खोआरडांगाले क्वार्टर फाइनलमा स्थान बनायो। गोबर ज्योति खेल मैदान, बिबारे बजार (खोकला बस्ती)-मा मंगलवार खेलिएको म्याचमा रेड बूल एफसी खोआरडांगाले मिक्स्ड अप् बोइज, खरसाङलाई २-०-ले पराजित गऱ्यो। विजेता टीमबाट दुवै गोल सेमुएल नार्जीनेरीले गरे, जसलाई प्लेयर अव् द म्याच चयन गरियो। उनलाई आजका मुख्य अतिथि जयगाउँ ग्राम पञ्चायत १-का प्रधान कमल पाख्रिनको बाहुलीबाट ट्रफी प्रदान गरियो। टुर्नामेण्टको दुईवटा सेमिफाइनल १२ र १३ अक्टोबरमा हुनेछ।
यसरी फाइनल १५ अक्टोबरमा खेलिनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी रनरअप हुने टीमलाई आकर्षक ट्रफीको साथमा ५० हजार रुपियाँको नगद पुरस्कार प्रदान गरिनेछ।