नयाँ दिल्ली: भारतले आज अर्थात मंगलबार (२६ सेप्टेम्बर) एसियाली खेलकुद २०२३ मा इतिहास रचेको छ । भारतीय टोलीले आज तेस्रो स्वर्ण पदक जितेको छ। झण्डै ४१ वर्षपछि यो खेलमा घोडसवारी टोलीले स्वर्ण पदक जितेको हो । यसअघि सन् १९८२ मा भारतले घोडसवारीमा स्वर्ण पदक जितेको थियो । हांग्जाउ एसियाली खेलकुदमा इक्वेस्ट्रियन एउटा कार्यक्रम थियो जसमा भारतले पदक पाउने आशा कमै गरेको थियो। यसमा टिमका खेलाडीले उत्कृष्ट प्रदर्शन गरेका छन् । भारतीय घोडेस्वार टोलीका तर्फबाट सुदीप्ती हाजेला, दिव्यकीर्ति सिंह, हृदय छेडा र अनुस अग्रवालले उत्कृष्ट प्रदर्शन गरे। खेलाडीले स्वर्ण जितेको केही समयपछि भारतले सोही खेलकुदको एकल इभेन्टमा रजत र कास्य पदक पनि जितेको थियो ।

भारत पहिलो र चीन दोस्रो स्थानमा छ

यो खेलमा चीन दोस्रो स्थानमा रह्यो । घोडसवारीमा भारतले २०९.२०५% अंकका साथ स्वर्ण पदक जित्यो। यसअघि भारतले सुटिङ र महिला क्रिकेटमा एक स्वर्ण जितेको थियो। घोडसवारीको टिम इभेन्टमा स्वर्ण पदक जितेपछि सोही खेलकुदको एकल इभेन्टमा अनुस अग्रवालाले भारतका लागि रजत पदक जितेका थिए भने हृदय छेडाले कास्य पदक जितेका थिए । भारतबाहेक चीनका खेलाडीले २०४.८८२ अंक प्राप्त गरेका छन् । घोडसवारी भन्दा पहिले भारतले आज सेलिंगमा एक रजत र एक कास्य पदक पनि जितेको छ।