२५ सेप्टेम्बरः डुवर्सको रामझोड़ा फूटबल कमिटीको तत्त्वावधानमा आयोजित रामझोड़ा टी गार्डन फूटबल अनर कप २०२३ टुर्नामेण्टमा दलसिंगपाड़ा स्पोर्ट्स एकाडमी (डीएसए)-ले सेमिफाइनलमा स्थान बनायो। रामझोड़ा फूटबल मैदानमा सोमवार खेलिएको चौथो तथा अन्तिम क्वार्टर फाइनल म्याचमा डीएसए-ले बीबीएस इलेभेन (काटालगुरी)-लाई २-०-ले पराजित गऱ्यो। विजेता टीमबाट योन्तेनले ५५औं र हेमराज भुजेलले ८७औं मिनटमा गोल गरे। विजेता टीमका खेलाड़ी योन्तेनलाई हीरो अव् द म्याच चयन गरियो। अब २७ सेप्टेम्बरमा खेलिने पहिलो सेमिफाइनलमा उज्जल इलेभेन (बीरपाड़ा) र वरियर्स स्पोर्टिंग क्लब (तुलसीपाड़ा)-बीच भिड़न्त हुनेछ। यस टुर्नामेण्टको दोस्रो सीजनमा जम्मा १६ वटा टीमले हिस्सा लिएको छ। टुर्नामेण्टको फाइनल १ अक्टोबरमा हुनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा ६० हजार रुपियाँको नगद पुरस्कार प्रदान गरिनेछ। यसरी रनरअप् हुने टीमलाई आकर्षक ट्रफीको साथमा ४० हजार रुपियाँको नगद पुरस्कार प्रदान गरिनेछ।