२५ सेप्टेम्बरः डुवर्सको रामझोड़ा फूटबल कमिटीको तत्त्वावधानमा आयोजित रामझोड़ा टी गार्डन फूटबल अनर कप २०२३ टुर्नामेण्टमा उज्जल इलेभेन (बीरपाड़ा)-ले सेमिफाइनलमा स्थान बनायो। रामझोड़ा फूटबल मैदानमा आइतवार खेलिएको तेस्रो क्वार्टर फाइनल म्याचमा उज्जल इलेभेन-ले कारबाल्ला फ्रेण्डशीप स्पोर्टिंग क्लबलाई २-०-ले पराजित गऱ्यो। विजेता टीमबाट सैयद साद्दिकले ७७औं र सौभिक मिञ्जले ७८औं मिनटमा गोल गरे। विजेता टीमका खेलाड़ी सैयद साद्दिकलाई हीरो अव् द म्याच चयन गरियो। अब २५ सेप्टेम्बरमा खेलिने चौथो तथा अन्तिम क्वार्टर फाइनलमा गत सीजनको च्याम्पियन दलसिंगपाड़ा स्पोर्ट्स एकाडमी (डीएसए) र बीबीएस इलेभेन (काटालगुरी)-बीच भिड़न्त हुनेछ। यस टुर्नामेण्टको दोस्रो सीजनमा जम्मा १६ वटा टीमले हिस्सा लिएको छ। टुर्नामेण्टको दुईवटा सेमिफाइनल क्रमशः २७ र २८ सेप्टेम्बरमा खेलिनेछ। यसरी फाइनल १ अक्टोबरमा हुनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा ६० हजार रुपियाँको नगद पुरस्कार प्रदान गरिनेछ। यसरी रनरअप् हुने टीमलाई आकर्षक ट्रफीको साथमा ४० हजार रुपियाँको नगद पुरस्कार प्रदान गरिनेछ।