२४ सेप्टेम्बरः भारतीय शूटरहरूले चीनको हांगझोऊमा जारी १९औं एशियन गेम्समा पदकको खाता खोल्दै आइतवार महिलाहरूकी १० मीटर एयर राइफल स्पर्धामा रजत पदक जिते। अनुभवी मेहुली घोष, रमिता जिन्दल र आशी चौकसीको भारतीय टीमले १८८६ पोइण्ट्सको साथ स्पर्धामा दोस्रो स्थान हासिल गऱ्यो। चीनको टीमले ८१९६.६ पोइण्ट्सको साथ नयाँ एशियन रेकर्ड बनाउँदै स्वर्ण पदक जित्यो। भारत १० मीटर एयर राइफलमा व्यक्तिगत पदकको होड़मा पनि रहेको छ कारण मेहुली र रमिताले ८ शूटरहरूकी फाइनलमा स्थान बनाएकी छन्। क्वालीफिकेशन राउण्डमा १९ वर्षीय रमिताले ६३१.९-को स्कोरसहित दोस्रो स्थान हासिल गरिन् जबकि मेहुली ६३०.८-को स्कोर लिएर चौथो स्थानमा रहिन्। चीनकी तीनजना शूटर हान जिआयु, हुआंग युटिंग र वांग झिलिन फाइनलमा पुगेकी छन्। यसरी दक्षिण कोरियाकी ली युन्सिओ, मंगोलियाकी जी नन्दिनजाया र चाइनीज ताइपेकी चेन चि-ले पनि फाइनलमा प्रवेश गरेकी छन्।