नयाँ दिल्ली: राज्यसभाका सभापति जगदीप धनखड़ले जी-२० को सफल आयोजनको लागि देशवासीहरूलाई बधाई दिँदै आज भने, यसले विश्वमा भारतको सम्मान बढ़ाएको छ। यस शिखर सम्मेलनको परिणाम परिवर्तनकारी छ र आगामी दशकहरूमा वैश्विक व्यवस्थालाई नयाँ आकार दिनमा योगदान पुऱ्याउनेछ।

धनखड़ले सोमवार संसदको विशेष सत्रमा राज्यसभालाई सम्बोधन गर्दै भने, जी-२० शिखर सम्मेलन अवधि नयाँ दिल्लीको राजघाटमा विश्व नेताहरूले राष्ट्रपति महात्मा गान्धीलाई श्रद्धाञ्जलि दिए। यो एउटा अद्भुत दृश्य थियो। दुनियाँका नेताहरू शान्ति र अहिंसाका सार्वभौमिक आदर्शहरूलाई समर्थन गर्नका लागि त्यहाँ पुगेका थिए।

धनखड़ले भने, प्रधानमन्त्री मोदीले जी-२० समिट अवधि अन्तरराष्ट्रिय संस्थानहरूमा सुधार गर्नुपर्ने सम्बन्धमा आवाज उठाए। उनले अन्तरराष्ट्रिय संस्थानहरूलाई परिवर्तित समय अनुरूप ढाल्ने आवश्यक्तामाथि बल दिए। उनले अन्तरराष्ट्रिय वित्तीय संस्थानहरूमा सुधार, डिजिटल बुनियादी ढाँचाको स्थापना औ हरित विकास सम्झौतालाई अग्रगति दिने कुरा उठाए। उनले भने, जी-२० को क्रममा ऊर्जावान, वैश्विक अर्थव्यवस्था, विस्तारित पर्यटन, वैश्विक कार्यक्षेत्र, बाजरा उत्पादन औ खपतको माध्यमबाट सशक्त खाद्य सुरक्षा, वैश्विक मूल्य श्रृंखलाहरूको मानचित्रण, एमएसएमईको लागि समर्थन र जैव ईन्धनप्रति गहिरो प्रतिबद्धतामाथि सम्मेलनको विशेष ध्यानकेन्द्रित रह्यो। जी-२० मा भारतले सदैव ”वसुधैव कुटुम्बकम”- को भावनालाई अघि राख्यो जसलाई विश्वका देशहरूले स्वीकारे।

धनखड़ले भने, भारत-मध्य पूर्व-यूरोप करिडोर एक महत्वपूर्ण फैसला रह्यो। साथै वैश्विक जैव ईन्धन गठबन्धन भारतको जी-२० अध्यक्षताका प्राथमिकताहरूमध्ये एक रह्यो। सम्पूर्ण आयोजन अवधि जलवायु सम्बन्धि मुद्दाहरूको समाधानमा भारतको नेतृत्व स्पष्ट देखियोय़ यो आयोजनले विश्वलाई एउटा परिवार जस्तो बस्न प्रेरित गरिरहनेछ।