१८ सेप्टेम्बरः डुवर्सको रामझोड़ा फूटबल कमिटीको तत्त्वावधानमा आयोजित रामझोड़ा टी गार्डन फूटबल अनर कप २०२३ टुर्नामेण्टमा वरियर्स स्पोर्टिंग क्लब (तुलसीपाड़ा)-ले सेमिफाइनलमा स्थान बनायो । रामझोड़ा फूटबल मैदानमा आइतवार खेलिएको पहिलो क्वार्टर फाइनल म्याचमा वरियर्स स्पोर्टिंग क्लबले पलासबारी बिक्की एकाडमीलाई १-०-ले पराजित गऱ्यो। विजेता टीमबाट एकमात्र गोल अंकृत मंगरले गरे, जसलाई हीरो अव् द म्याच चयन गरियो। अब २० सेप्टेम्बरमा खेलिने दोस्रो क्वार्टर फाइनलमा जेकेएस टोटोपाड़ा र नरसिंगपुर फूटबल एकाडमीबीच भिड़न्त हुनेछ। यस टुर्नामेण्टको दोस्रो सीजनमा जम्मा १६ वटा टीमले हिस्सा लिएको छ। टुर्नामेण्टको दुईवटा सेमिफाइनल क्रमशः २७ र २८ सेप्टेम्बरमा खेलिनेछ। यसरी फाइनल १ अक्टोबरमा हुनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा ६० हजार रुपियाँको नगद पुरस्कार प्रदान गरिनेछ। यसरी रनरअप् हुने टीमलाई आकर्षक ट्रफीको साथमा ४० हजार रुपियाँको नगद पुरस्कार प्रदान गरिनेछ।