१६ सेप्टेम्बरः डुवर्सको रामझोड़ा फूटबल कमिटीको तत्त्वावधानमा आयोजित रामझोड़ा टी गार्डन फूटबल अनर कप २०२३ टुर्नामेण्टमा दलसिंगपाड़ा स्पोर्टस एकाडमी (डीएसए)-ले क्वार्टर फाइनलमा स्थान बनायो । रामझोड़ा फूटबल मैदानमा शनिवार खेलिएको म्याचमा डीएसए-ले बिन्नागुड़ी फूटबल एकाडमीलाई ४-१-ले पराजित गऱ्यो। विजेता टीमबाट हेमराज भुजेल (माल्टु)-ले ह्याट्रिक गरे। उनले म्याचको ३६औं , ४२औं र ६३औं मिनटमा गोल गरे। यसबाहेक अभिषेक भुजेलले ८६औं मिनटमा गोल गरे। यसरी बिन्नागुड़ी फूटबल एकाडमीबाट हुण्डु रोयले ६१औं मिनटमा एक गोल गरे। विजेता टीमका फरवर्ड हेमराज भुजेललाई हीरो अव् द म्याच चयन गरियो। अब भोलि खेलिने पहिलो क्वार्टर फाइनलमा वरियर्स स्पोर्टिंग क्लब (तुलसीपाड़ा) र पलासबारी बिक्की एकाडमीबीच भिड़न्त हुनेछ। यस टुर्नामेण्टको दोस्रो सीजनमा जम्मा १६ वटा टीमले हिस्सा लिएको छ। टुर्नामेण्टको दुईवटा सेमिफाइनल क्रमशः २७ र २८ सेप्टेम्बरमा खेलिनेछ। यसरी फाइनल १ अक्टोबरमा हुनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा ६० हजार रुपियाँको नगद पुरस्कार प्रदान गरिनेछ। यसरी रनरअप् हुने टीमलाई आकर्षक ट्रफीको साथमा ४० हजार रुपियाँको नगद पुरस्कार प्रदान गरिनेछ।