सिलगढीः बैंकबाट पैसा निकालेर घर जाने क्रममा दुई अपहरणकारीले ८० हजार रुपियाँ लुटेका छन्। यस घटनाले सिलगढी नजिकैको गोकामोर इलाकामा हलचल मच्चाएको छ। फुलबारी नम्बर १ ग्राम पञ्चायतको गोकामोर छेउछाउको रामनगर बस्ती निवासी बबिता रोय र शीला दुबे शुक्रबार दिउँसो एनजेपी क्षेत्रस्थित सरकारी बैंकबाट ८० हजार रुपियाँ झिकेर घर फर्कदै गरेका थिए। टोटो डिएस कोलोनी क्षेत्रमा आउँदा पछाडिबाट आउँदै गरेको मोटरसाइकलमा सवार दुई युवकले जबरजस्ती उनको हातबाट पैसा भएको झोला खोसेर भागेका थिए। झोलामा बैंकबाट झिकिएको ६० हजार र पहिलेको २० हजार रुपियाँ थियो। त्यसमा जम्मा ८० हजार रुपियाँ थियो। घटनापछि शुक्रबार साँझ एनजेपी थाना पुलिसमा लुटपाटको उजुरी परेपछि पुलिसले घटनाको सम्पूर्ण अनुसन्धान थालेको छ। यस सम्बन्धमा बबिता रायले भनिन्, ‘हिजो दिउँसो म र मेरी दिदी बैंकबाट पैसा निकालेर घर फर्कदै गर्दा डिएस कोलोनी क्षेत्रमा ८० हजार रुपियाँ लुटिएको थियो, छोरा लामो समयदेखि बिरामी छ, मैले लिएर गएँ। उनलाई उपचारका लागि बाहिर लैजाने पैसा लुटियो।