कोलकाता: शिक्षामन्त्री ब्रात्य बसुले राज्यपाल तथा आचार्य डा सीभी विरुद्ध एकपछि अर्को धेरै आरोप लगाएका छन्। राज्यपालले उच्च शिक्षा प्रणालीलाई ध्वस्त पार्ने, विश्वविद्यालयमा कठपुतली शासन चलाएको जस्ता गम्भीर आरोप पनि शिक्षामन्त्रीले लगाएका छन्। त्यसको एक दिनपछि राज्यपालले मध्यरातमा ठूलो कारबाही गर्ने चेतावनी दिए। शनिबार राति ११.४२ बजे राजभवनबाट जानकारी दिइएको थियो कि राज्यपाल आनन्द बोसले दुई गोप्य मोहर लगाइएको पत्रमा हस्ताक्षर गरेका छन्। एउटा पत्र राज्य सचिवालय नवान्नको लागि र अर्को केन्द्रीय सरकारको लागि हो। अहिले यी दुई गोप्य पत्रमा के छ भन्ने खुल्न नसकेको र आइतबार शिक्षा जगतदेखि राजनीतिक जगतसम्म त्यसलाई लिएर हंगामा मच्चिएको छ। पत्रको विषय आज सोमबार खुल्न सक्छ? सबैको नजर यसैमा केन्द्रित छ।

सरकार र राजभवनबीचको शब्दयुद्ध चरममा पुगेको छ। विश्वविद्यालयमा अन्तरिम उपकुलपति नियुक्तिलाई लिएर बंगल सरकार र राजभवनबीच शब्दयुद्ध जारी छ। शिक्षामन्त्रीले कुलपतिले विश्वविद्यालयमा ‘कठपुतली शासन’ चलाएको र उच्च शिक्षा विभागसँग बैठक नगरेको भन्दै रजिष्ट्रारलाई धम्की दिएको पनि आरोप लगाएका छन्l’ उही समयमा पश्चिम बंगाल शिक्षाविद् फोरमले मध्यरातमा राज्यपालको बयानलाई ‘धम्की’ भन्दै एक विज्ञप्ति जारी गर्‍यो। यसअघि राज्यपालले शिक्षा विभागबाट धम्की पाएपछि ५ स्थानान्तरण गरिएका कुलपतिहरूले राजीनामा दिएको आरोप लगाए। हालै राज्यपालले प्रेसिडेन्सीलगायत धेरै विश्वविद्यालयमा अन्तरिम कुलपति नियुक्त गरेका छन्। राज्यपालको कदमलाई मुख्यमन्त्री ममता ब्यानर्जीले कडा आलोचना गरिन् र यसलाई राज्य-शासित विश्वविद्यालयहरूको काममा हस्तक्षेप गर्ने प्रयास बताइन्। भाजपाका सांसद दिलीप घोषले राज्यपालले आफ्नो जिम्मेवारी पूरा गरिरहेको बताए। राज्यपालले नवान्न र दिल्लीलाई पठाएको दुई गोप्य मोहर लगाइएको पत्रलाई लिएर विवाद जारी छ। अब तृणमूलका प्रवक्ता कुणाल घोषले यसबारे प्रतिक्रिया दिएका छन्। उनले भने, ‘राज्यपाल राति जागो बस्न चाहन्छन्। राति कदम चाल्नु जुन सामान्य होइन। अर्को शब्दमा भन्नुपर्दा, ब्रात्या बसुले उनको निद्रा खोसेको छl’ यसैबीच, सांसद शान्तनु सेनले व्यंग्य गर्दै भने, ‘उनी मध्यरातमा काम गरेर दिल्लीमा भाजपाको गुड बुकमा जान चाहन्छन्l’