९ सेप्टेम्बरः डुवर्सको रामझोड़ा फूटबल कमिटीको तत्त्वावधानमा आयोजित रामझोड़ा टी गार्डन फूटबल अनर कप २०२३ टुर्नामेण्टमा नरसिंगपुर फूटबल एकाडमीले क्वार्टर फाइनलमा स्थान बनायो । रामझोड़ा फूटबल मैदानमा शनिवार खेलिएको म्याचमा नरसिंगपुर फूटबल एकाडमीले जयगाउँ युनाइटेडलाई २-१-ले पराजित गऱ्यो। विजेता टीमबाट कुशाल साचाले २८औं र अमन साईबोले ३५औं मिनटमा गोल गरे। यसरी जयगाउँ युनाइटेडबाट रोहित तामाङले ७७औं मिनटमा गोल गरे। विजेता टीमका खेलाड़ी अमन साईबोलाई हीरो अव् द म्याच चयन गरियो। यस टुर्नामेण्टको दोस्रो सीजनमा जम्मा १६ वटा टीमले हिस्सा लिएको छ। टुर्नामेण्टको दुईवटा सेमिफाइनल क्रमशः २७ र २८ सेप्टेम्बरमा खेलिनेछ। यसरी फाइनल १ अक्टोबरमा हुनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा ६० हजार रुपियाँको नगद पुरस्कार प्रदान गरिनेछ। यसरी रनरअप् हुने टीमलाई आकर्षक ट्रफीको साथमा ४० हजार रुपियाँको नगद पुरस्कार प्रदान गरिनेछ।