९ सेप्टेम्बरः फूटबलमा अहिले इण्टरनेशनल फूटबल ब्रेक चलिरहेको छ अनि सबै खेलाड़ीहरूले आ-आफ्नो राष्ट्रिय टीमको प्रतिनिधित्व गरिरहेका छन्। दक्षिण अमेरिकी फूटबल (कनमेबोल)-मा पनि अहिले फिफा वर्ल्ड कप २०२६-को क्वालीफाईंग चरण शुरु भएको छ। क्वालीफायरको पहिलो दिन ब्राजीलको भिड़न्त बोलिभियासँग थियो। यस म्याचमा ब्राजीलका स्टार फूटबलर नेमारले इचिहास रचे। नेमारले महान फूटबलर पेले-को रेकर्डलाई पछि छोड़ेर ब्राजीलको तर्फबाट सर्वाधिक गोलदाता बन्ने असाधारण उपलब्धि हासिल गरे। शुक्रवार राति खेलिएको म्याचमा ब्राजीलले बोलिभियालाई ५-१-ले पिट्यो। म्याचमा ८० प्रतिशत पोजेशनको साथ खेल्ने ब्राजीलबाट नेमार र रोड्रिगोले २-२ गोल गरे। रोड्रिगोले २४औं र ५३औं मिनटमा गोल गरे। यसरी नेमारले ६१औं र स्टपेज टाइमको तेस्रो मिनटमा गोल गरे। अन्य एउटा गोल राफिन्हाले ४७औं मिनटमा गरे। बोलिभियाबाट भिक्टर अबरेगोले ७८औं मिनटमा गोल गरे। म्याचमा २ गोल गर्नको साथै नेमारले महान पेले-लाई पछि छोड़े। नेमारले ब्राजीलको तर्फबाट अहिलेसम्म १२५ वटा म्याच खेलेर ७९ गोल गरिसकेका छन्। यसरी महान पेले-ले ब्राजीलको प्रतिनिधित्व गर्दै ९२ वटा म्याचमा ७७ गोल गरेका थिए। उल्लेखनीय छ, नेमारले हालै फ्रान्सको क्लब पेरिस सेण्ट जर्मेन (पीएसजी) छोड़ेर सऊदी प्रो लीग क्लब अल हिलालसँग अनुबन्ध गरेका छन्।

यसरी नै अर्जेण्टिनाले पनि लियोनल मेस्सीको असाधारण गोलको दममा इक्वाडोर विरुद्ध १-०-ले जीत हासिल गऱ्यो। म्याचमा ७१ प्रतिशत पोजेशनको साथ खेल्ने वर्तमान वर्ल्ड च्याम्पियनलाई निर्णायक गोलको निम्ति निक्कै प्रतीक्षा गर्नु पऱ्यो। अन्तमा ३६ वर्षीय मेस्सीले ७८औं मिनटमा फ्री किकबाट दर्शनीय गोल गरी अर्जेण्टिनालाई जीत दिलाए। यो उनको १७६औं इण्टरनेशनल म्याचमा १०४औं गोल हो। यसरी वर्ल्ड कप क्वालीफाईंग म्याचहरूमा यो उनको २९औं गोल हो। यसको साथमा उनले उरुग्वेका फूटबलर लुईस सुआरेजको बराबरी गरे। दक्षिण अमेरिकी क्वालीफाईंगको अन्य म्याचहरूमा कोलम्बियाले राफेल साण्टोस बोर्रे माउरीले ४६औं मिनटमा हेडरद्वारा गरेको गोलको सहायताले भेनेजुएलालाई १-०-ले पराजित गऱ्यो। यसरी उरुग्वेले चिली विरुद्ध ३-१-ले जीत हासिल गऱ्यो। पाराग्वे र पेरुबीच खेलिएको म्याच गोलरहित ड्र (०-०)-मा समाप्त भयो।