सिलगढी: धुपगुडी उपचुनावमा तृणमूल कांग्रेसले ठूलो जित हासिल गरेको छ। शुक्रबार नतिजा घोषणा हुने बित्तिकै सिलगढी सहित उत्तर बङ्गालका तृणमूल कार्यकर्ताहरूको उत्साह चरम सीमामा छ। आज दिउँसो ३ बजे सिलगढीको हास्मी चोकमा दार्जिलिङ जिल्ला तृणमूल युवा कांग्रेसले ‘विजय उत्सव’ मनायो। दार्जिलिङ जिल्ला तृणमूल युवा कांग्रेसका अध्यक्ष निर्णय राईको नेतृत्वमा भएको विजय उत्सवमा ठूलो संख्यामा कार्यकर्ता सहभागी भएका थिए।