जलपाईगुडी: बुधवार बिहान एक वृद्ध व्यक्तिको झुण्डिएको लाश फेला परेको छ। आज बिहान ८ बजे घर नजिकैको झाडीमा एक वृद्धको झुण्डिएको मृतदेह भेटिएको थियो। मृतक वृद्धको नाम कार्तिक धर (६२) हो। उनको घर म्यानागुरी नगरपालिकाको वडा नम्बर ७ मा छ। पुलिसले मृतदेह बरामद गरी पोस्टमार्टमका लागि पठाएको बताइएको छ। पारिवारिक स्रोतका अनुसार कार्तिक धर मानसिक रूपमा डिप्रेसनमा थिए। घरमै बसेर केही काम गर्थे। बुधबार बिहान उनकी श्रीमतीले घर नजिकैको झाडीमा झुण्डिएको अवस्थामा लाश देखेकी थिइन्। त्यसपछि स्थानीयवासीले उनलाई मनागुरी ग्रामीण अस्पताल पुर्‍याए जहाँ चिकित्सकले मृत घोषणा गरेका थिए।

यसैबीच खबर पाएलगत्तै म्यानागुरी थानाको पुलिसले गएर मृतदेह बरामद गरी प्रहरी चौकीमा ल्याएको थियो। उनलाई पोष्टमार्टमका लागि जलपाईगुडी शवगृहमा पठाइएको पुलिसले जनाएको छ। अर्कोतर्फ यस्तो घटना के कारणले भयो भन्ने परिवारका सदस्यलाई थाहा छैन। म्यानागुरी पुलिसले घटनाको सम्पूर्ण अनुसन्धान गरिरहेको छ। मृतकका छोरा रञ्जित धरले भने, “मानसिक रूपमा डिप्रेसन भएको थियो, घरमै बसेको थियो। म बिहान काममा गएर खबर पाएपछि पुलिस थानामा पुगेँ।”