सिलगढी: सिलगढी मेट्रोपोलिटन पुलिसको नयाँ जलपाइगढी थानाको पुलिसले अवैध मदिरा बिक्रीको उजुरी पाएपछि बिन्नागढी ग्राम पञ्चायत अन्तर्गत फराबादा आदर्शपल्ली क्षेत्रमा घर-घर छापा मारेको छ। बुधबार दिउँसो पुलिसले लाठीसहित सो क्षेत्रमा घर–घर खोजी अभियान चलाएको थियो । तर त्यहाँबाट मदिरा बरामद भएको छैन। यस क्षेत्रमा घरघरमा अवैध रुपमा मदिरा र लागुऔषध बिक्री हुने गरेको सो क्षेत्रका महिलाले पुलिसमा गुनासो गरेका थिए । सोही उजुरीका आधारमा यो कारबाही गरिएको हो।