५ सेप्टेम्बरः डुवर्सको रामझोड़ा फूटबल कमिटीको तत्त्वावधानमा आयोजित रामझोड़ा टी गार्डन फूटबल अनर कप २०२३ टुर्नामेण्टमा जेकेएस टोटोपाड़ाले रोमाञ्चक जीत हासिल गऱ्यो । रामझोड़ा फूटबल मैदानमा सोमवार खेलिएको म्याचमा जेकेएस टोटोपाड़ाले दालमोड़ स्पोर्ट्स एकाडमीलाई ३-२-ले पराजित गऱ्यो। विजेता टीमबाट रितेश सन्यासीले १५औं, साहिल राणाले २१औं र केशव मुण्डाले ४०औं मिनटमा गोल गरे। यसरी दालमोड़ स्पोर्ट्स एकाडमीबाट मञ्जिल लामाले ३५औं मिनटमा गोल गरे। अन्य एउटा गोल आत्मघाती रह्यो। विजेता टीमका साहिल राणालाई हीरो अव् द म्याच चयन गरियो।

यस टुर्नामेण्टको दोस्रो सीजनमा जम्मा १६ वटा टीमले हिस्सा लिएको छ। टुर्नामेण्टको दुईवटा सेमिफाइनल क्रमशः २७ र २८ सेप्टेम्बरमा खेलिनेछ। यसरी फाइनल १ अक्टोबरमा हुनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा ६० हजार रुपियाँको नगद पुरस्कार प्रदान गरिनेछ। यसरी रनरअप् हुने टीमलाई आकर्षक ट्रफीको साथमा ४० हजार रुपियाँको नगद पुरस्कार प्रदान गरिनेछ।