मुम्बई: शाहरुख खानको फिल्म ‘जवान’ रिलिज हुनुअघि नै मानिसहरु यसको पागलपनमा छन्। जसलाई हेर्नुहुन्छ फिल्मको चर्चा मात्रै हुन्छ। रिलिज हुनुअघि नै फिल्मको अग्रिम बुकिङ शुरु भइसकेको छ। शाहरुखको फिल्मलाई लिएर सबैजना निकै उत्साहित छन्। यसैबीच एक व्यक्तिले यस्तो काम गरे जसमा शाहरुख खानले पनि आफूलाई प्रतिक्रिया दिनबाट रोक्न सकेनन्। वास्तवमा, शाहरुख खानका एक फ्यानले उनको आगामी फिल्म हेर्न पूरा हल बुक गरेका थिए। यो जानकारी उनले आफैंले ट्वीटरमार्फत दिएका हुन्। उक्त व्यक्तिले आफ्नो एउटा तस्वीर पोस्ट गरे, जसमा उनी धेरै टिकटले घेरिएका देखिन्छन्।

उनले जवानलाई हेर्न पूरै हल बुक गरिसकेको बताए। उनले यो फिल्म आफ्ना ३६ प्रेमिका, ७२ पूर्व प्रेमिका र ८० साथीहरूसँग हेर्न लागेका हुन्। उक्त व्यक्तिले यो पोस्टमा किङ खानलाई पनि ट्याग गरेका थिए। शाहरुख खानले फ्यानको यस्तो कार्यप्रति प्रतिक्रिया नदिई कहाँ बस्ने? ट्विटमा प्रतिक्रिया दिँदै शाहरुखले भने, ‘वाह भाइ, तिम्रो युवावस्था चम्किरहेको छ। हो हो ऐश कर शाहरुखको प्रतिक्रियापछि उनका फ्यान खुशीले उफ्रिएl’ यो पोस्टलाई लिएर मानिसहरूले चर्को प्रतिक्रिया पनि दिइरहेका छन्। एक प्रयोगकर्ताले यति धेरै पूर्व र वर्तमान प्रेमिका आमनेसामने हुँदा सिनेमा हलमा हंगामा मच्चिने बताएका छन् ।